Subscríbete ao noso boletín
Recibe no teu mail cada semana un resumo das novidades no PSdeG Santiago de Compostela
O alcalde de Santiago, Xosé Sánchez Bugallo, é partidario de manter os acordos adoptados sobre os remanentes de 2019. Acordos que incluían un listado de investimentos, adoptados no pleno de novembro dese ano. “Son actuacións necesarias”, explicou o rexedor, que recorda que “naquel momento non contaron co apoio do BNG”. En rolda de prensa tamén destacou o apoio aos sectores económicos máis castigados pola pandemia, con axudas para cultura, este ano, que superan os 600.000 euros.
Sobre os investimentos previstos nos remanentes de 2019, Sánchez Bugallo subliñou que non imaxina deixar á Avenida de Asturias como está”, en referencia ao mal estado do firme. Recordou que fóra un dos temas que “o BNG non quería, porque lle parecía un exceso”. E tampouco imaxina, continúa, non executar os programas de asfaltos, o que suporía deixar as rúas “cheas de fochancas, e desde logo paréceme que non se vai responsabilizar ninguén desa circunstancia”. Tamén citou o cambio da herba artifical do campo de Vero Boquete de San Lázaro, “en moi malas condicións”; o acondicionamento da rúa do Hórreo, ou un programa de eliminación de barreiras arquitectónicas. Para o alcalde “non hai razón algunha que xustifique o deixar de facelas”; e “deixar de facelas tería consencuencias negativas importantes para sectores sociais”.
Sobre estas actuacións, o alcalde indicou que non houbo tempo material de sacalas a licitación porque dende o día 31 de decembro se bloqueou, por parte de intervención, o procedemento de contratación en canto non estivese aprobada a liquidación de 2020”. O 31 de marzo volveuse reabrir , explicou; polo que confía en que esas 14 obras se poidan executar antes de final de ano: “a maioría teñen o proxecto xa redactado e aprobado, un elemento esencial para que poidan saír adiante”. So hai dúas, matizou, pendentes de aprobación, o programa de asfaltos, e a remodelación da rúa do Hórreo, que espera, “queden resolta entre este semana e a vindeira”. Recorda que estas actuacións teñen que estar rematadas antes do 31 de decembro. “En principio son todas obras executables neste prazo”, subliñou.
Pleno remanentes
O rexedor confía en pechar esta semana “algún acordo” sobre o reparto de remanentes. Se non é posible, sinalou Sánchez Bugallo, o goberno local formulará a súa propia proposta e levaraa ao pleno do 29 de abril. “Non temos moita máis marxe de tempo porque os sectores sociais úrxennos a que saquemos a convocatoria”, engadiu.
O compromiso, continuou o alcalde, era sacar estas axudas na primeira quincena de abril, algo que “non puido ser”, porque, entre outros factores, “a minoración das remanentes está dificultado un posible acordo”, e “ata o 31 de marzo os remanentes estiveron bloqueados”. Neste momento o goberno municipal, informou , traballa co horizonte de que o reparto deses remanentes se aprobe no pleno ordinario do 29 de abril.
Para o alcalde, no destino dos remanentes “hai que establecer unha orde de prioridades”. Entre as prioridades, nas que tamén coincide a oposición, figuran as axudas aos sectores económicos máis afectados polas restriccións derivadas da COVOID-19. Sánchez Bugallo recorda que a previsión da nova convocatoria achégase aos cinco millóns de euros, cantidade que se non houbese pandemia, se poderían destinar a obras. Pero, continúa “o criterio xeral da sociedade agora mesmo é que a prioridade é apoiar a aqueles sectores económicos e sociais que están sofrendo máis o impacto da crise”.
Isto significa, engade, un reforzo do gasto na área social, e un maior apoio aos sectores económicos. Pón un exemplo: “as axudas a estes sectores (comercio, hostalería e cultura), hai catro anos rondaban os cen mil euros anuais. Agora mesmo estamos falando de case cinco millóns na primeira convocatoria”. Recorda que as subvencións ao sector cultural, en “anos normais” estaban en torno aos 45.000 euros anuais. “Este ano están previstos 604.000 euros: 454.000 por incorporación de remanentes, e 150.000 no orzamento ordinario. Esta cantidade representante 13 veces máis que as axudas de 2018 e catro veces máis da demanda que se puido xustificar en 2020. “Sin embarog, temos queixas de que parece pouco”. En comercio, recorda, eran 25.000 euros anuais. Este ano, lembra, poden rebasar os dous millóns de euros.
Recibe no teu mail cada semana un resumo das novidades no PSdeG Santiago de Compostela