Subscríbete ao noso boletín
Recibe no teu mail cada semana un resumo das novidades no PSdeG Santiago de Compostela
Sánchez Bugallo participou xunto ao segundo tenente de alcalde, Sindo Guinarte no pleno da Cámara de Comercio que se celebrou na sede de CLUN
Santiago de Compostela, 23 de maio de 2023. Cun balance de catro anos moi por enriba do que deixaron os oito anteriores, Sánchez Bugallo destacou no pleno celebrado onte na sede de Cooperativas Lácteas Unidas (CLUN) o avance na reindustrialización do Concello con 87 licencias concedidas durante o actual mandato para a instalación de novas empresas en Santiago: “temos os mellores datos de emprego, os maiores niveis de renda e vivimos a máis grande expansión de solo industrial dos últimos tempos” explicou o alcalde.
Agora, Sánchez bugallo, fixa como obxectivo dar “un novo paso adiante” marcando como prioridade “a ampliación da base industrial, a vivenda e a mellora dos servizos co novo contrato da auga, bloqueado neste mandato por unha decisión obstrucionista da oposición”: “o reto para os próximos anos é prepararse para dar unha gran transformación”.
En materia industrial, Sánchez Bugallo propón especializar Uninova en captación de inversións e acompañamento de empresas. Unha política de atracción de industria que se reforzará tamén con convenios fiscais: “nós xa modificamos as ordenanzas para contemplar bonificacións de ata o 95%, á que xa se acolleron iniciativas como o Biopolo”.
“O novo reto é a estación de mercadorías”
O reto para os próximos anos é conseguir a posta en marcha da estación de mercadorías no polígono de A Sionlla. Cun espazo de 73.000 metros cadrados reservados na zona industrial para este fin, este será un elemento fundamental para mellorar as infraestruturas da área industrial e “seguir captando novas empresas” explicou o alcalde.
Un Sánchez Bugallo que, para facer balance tirou de datos: desde os 68 mil empregados en Compostela, sendo a cifra máis elevada da historia, ata as 87 licenzas concedidas a novas industrias, e pasando polo impulso aos grandes proxectos estratéxicos da cidade -Intermodal, enlace Orbital ou a nova depuradora-.
Precisamente sobre a tramitación de licencias para a instalación de empresas, o alcalde recalcou a necesidade de que a administración autonómica revise o prazo de emisión de informes perceptivos e vinculantes -de arredor de tres meses- para a súa concesión como é o caso de Patrimonio, Medio Ambiente e Augas de Galicia ao tempo que deixou a porta aberta a abrir un procedemento de certificación de licencias, en consonancia cunha política facilitadora para a instalación de industrias.
Recibe no teu mail cada semana un resumo das novidades no PSdeG Santiago de Compostela