Subscríbete ao noso boletín
Recibe no teu mail cada semana un resumo das novidades no PSdeG Santiago de Compostela
O alcalde de Santiago, Xosé Sánchez Bugallo, e o seu equipo de goberno lamentan profundamente o falecemento dun bombeiro en prácticas acontecido esta mañá nun tráxico suceso, en Aríns. “Unímonos á dor da súa familia, dos seus amigos e tamén dos seus compañeiros de traballo que están vivindo este momento con auténtica desolación”, sinalou o rexedor, quen decretou tres días de loito oficial en sinal de dó.
Sánchez Bugallo, que anulou a súa axenda e se desprazou ata o lugar dos feitos, explicou que sobre as oito da mañá recibiuse unha chamada telefónica no parque de bombeiros de Santiago, informando que había un incendio nun autobús que cubría a liña de Aríns”, no lugar da Cacharela, e que “non había risco para as persoas”, porque o autobús estaba baleiro. Ata o lugar “deprazouse unha unidade de intervención, e cando estaban procedendo aos labores de extinción, xa colocaran a primeira liña de auga e empezaban a colocar a segunda, sorpresivamente o autobús que estaba parado púxose en movemento atropelando a este xoven bombeiro que acababa de incorporarse en prácticas”.
“Como consecuencia dese atropelo”, continuou o alcalde, “e a pesares dos esforzos que fixeron os servizos sanitarios, foi imposible a súa recuperación e certificouse o seu falecemento”. “Un terrible accidente, unha gran desgraza, que lamentamos profundamente”.
Os días 30 e 31 de agosto e o 1 de setembro, as bandeiras dos edificios municipais ondearán a media hasta, e suspéndese os actos oficiais no Concello de Santiago, en virtude do decreto asinado esta mañá polo alcalde, Sánchez Bugallo.
Está previsto que mañá, ás 12:00 h, se garden tres minutos de silencio na Praza do Obradoiro en sinal de dó polo bombeiro falecido.
AUDIO ALCALDE
Recibe no teu mail cada semana un resumo das novidades no PSdeG Santiago de Compostela