A realización destas conversas acordouse na última reunión da Comisión Executiva da Agrupación Socialista de Santiago de Compostela
O Comité Executivo da Agrupación Socialista de Santiago de Compostela, organizará mensualmente os faladoiros “Conversas coa cidadanía. Achégate á actualidade”, abertos ao público, nos que se abordarán distintas temáticas que están na axenda informativa e que afectan directamente á veciñanza de Santiago.
Así se acordou na reunión da Comisión Executiva da Agrupación Socialista de Santiago de Compostela, na que tamén se consituiu oficialmente o Comité Local. O primeiro destes encontros, sobre a invasión de Ucraína por parte de Rusia e as consecuencias económicas e sociais do conflito bélico, terá lugar o sábado, 30 de abril, ás 12:00 h, e nel participará a secretaria de Estado de Cooperación, Pilar Cancela; e o concelleiro de Relacións Institucionais, Sindo Guinarte.
O segunda destas conversas, sobre os fondos europeos Next Generation, está programada para o 19 de maio ás 19:30 h. Está previsto que nela participe o delegado do Goberno en Galicia, José Miñones. O 15 de xuño, a temática versará sobre os tres anos do actual goberno socialista en Santiago de Compostela. Estarán presentes o alcalde, Xosé Sánchez Bugallo, e o seu equipo de goberno. Farán balance dos tres anos de mandato e responderán as preguntas que lles formulen as persoas asistentes.
O tema das “Conversas coa cidadanía. Achégate á actualidade” escollido no mes de setembro é a actual situación economica. Nelas participará Xaquín Fernández Leiceaga, ex-portavoz socialista no Parlamento de Galicia e Doutor en Economía por la Universidad de Santiago de Compostela. Tamén está previsto falar sobre a Axenda 2030 e os retos que plantexa, xa no último trimestre do ano; e sobre outros asuntos de actualidade, que se irán concretando en proximas reunións da Executiva.
Este ciclo de “Conversas coa cidadanía. Achégate á actualidade” desenvolverase na Casa do Pobo, a sede do PsdeG de Santiago situada na Rúa de Ramón Cabanillas, número 6.
O alcalde de Santiago, Xosé Sánchez Bugallo, anunciou que co comezo do ano, "empezaremos coa…
O alcalde de Santiago, Xosé Sánchez Bugallo, avanzou que, en canto xuren o cargo, pedirá…
O alcalde de Santiago, Xosé Sánchez Bugallo, sinala a PP e Compostela Aberta, como as…
A concelleira de Economía e Facenda cre que "non o estamos facendo tan mal", en…
O alcalde de Santiago, Xosé Sánchez Bugallo, adiantou que o goberno municipal convocou o luns…
A Xunta de Goberno do Concello de Santiago presentará un recurso de casación ante o…