Subscríbete ao noso boletín
Recibe no teu mail cada semana un resumo das novidades no PSdeG Santiago de Compostela
O responsable do proxecto Smartiago, o concelleiro Sindo Guinarte aclarou que o vehículo autónomo e o Living Lab (laboratorio de innovación) presentado a semana pasada, e desenvolvido por Vodafone, no que tamén colabora a Xunta a través de GAIN, é un referente no campo da innovación e da sostibilidade. O proxecto, exposto no Foro Greencities de Málaga, “foi un dos que máis interese suscitou”, segundo sinalou Guinarte.
Sindo Guinarte explicou que o pasado 15 de setembro presentouse o Living Lab, “un espazo de experimentación do vehículo autónomo desenvolvido por Vodafone no marco do proxecto Smartiago”. O concelleiro lembra que Smartiago é un proxecto de innovación, “non un proxecto de compra de subministros”, e que está financiado con fondos europeos (FEDER), e pola Axencia Galega de Innovación da Xunta de Galicia, “que aportan o 90% do seu custe”.
Destaca o tamén concelleiro de Turismo que o proxecto presentado, “é un dos que máis interese suscitou no foro adicado á innovación tecnolóxica e á mellora dos servizos públicos”, o Foro Greencities que se está celebrando en Málaga, e no que, ademais de Guinarte, están presentes o alcalde, Xosé Sánchez Bugallo, e a concelleira de Urbanismo, Mercedes Rosón. Esta mesma mañá, presentouse no stand de Vodafone este vehículo autónomo desenvolvido no marco do programa Smartiago. “Ten que ser un orgullo para a cidadanía de Santiago”, finalizou, “que a nosa cidade sexa tamén un referente na innovación e na sostibilidade”
Smartiago
Smartiago é un proxecto de CPI impulsado polo concello de Santiago, premiado a nivel internaciona; con recoñecementos como o premio Iniciativa da Administración, outorgado polo Colexio Profesional de Enxeñería en Informática de Galicia (CPEIG); ou o primeiro premio dos Procura + Awards na categoría de Compra Pública de Innovación do Ano, onde superou ao proxecto BIM, presentado pola cidade de Praga. A capital da República Checa postulárase co proxecto BIM (Building Information Modeling), relacionado coa creación de innovación enerxética neta cero a través de adquisicións na construción.
Os premios Procura + Awards están xestionados e coordinados por ICLEI – Gobernos Locais para a Sustentabilidade; unha rede global de máis de 2.500 gobernos locais e rexionais comprometidos co desenvolvemento urbano sostible, activa en máis de 125 países. Trátase dunha entidade que integra a autoridades públicas europeas e rexións que conectan, intercambian e actúan sobre adquisicións sostibles e innovadoras.
O proxecto SMARTIAGO desenvólvese en virtude dun convenio de colaboración entre o Ministerio de Ciencia e Innovación e o Concello de Santiago de Compostela, e está cofinanciado nun 80% polo Fondo Europeo de Desenvolvemento Rexional (FEDER) no marco do Programa Operativo Plurirregional de España 2014-2020; e nun 10% pola Axencia Galega de Innovación (GAIN).
Recibe no teu mail cada semana un resumo das novidades no PSdeG Santiago de Compostela