Sobre vivendas turísticas: “é evidente que a Xunta ten que aplicar a súa propia lei, e non ten sentido que obvie o seu propio decreto atonómico. E tampouco pode ignorar as reiteradas sentenzas do TSXG. Paréceme terrible que se nos pida que xudicialicemos todos os casos”. 

O Goberno de Sánchez Bugallo non renuncia a unha candidatura de integración coa Coruña para que Galicia albergue a sede da futura Axencia Española de Supervisión da Intelixencia Artificial (AESIA). Segundo sinalou o alcalde en rolda de prensa,  “é a nosa proposta desde o principio, defendémola, e por coherencia, tamén a mantemos”. Pide, iso si, que a decisión que se tome se sustente en “criterios obxectivos, transparentes e razoables”. 

Dita proposta do Concello de Santiago tradúcese en que a sede se localice na capital de Galicia e os servizos técnicos na Coruña. Pero, engade, “é evidente que se non hai acordo de integración formularemos unha proposta alternativa. Cremos, obxectivamente, que a mellor proposta é a súa ubicación na Cidade da Cultura, desde todos os puntos de vista. É a máis accesible e mellor conectada para todos os galegos: os da Coruña, pero tamén os de Vigo, os de Ourense, os de Pontevedra e os de Lugo. É a máis accesible e a mellor comunicada; na que todo o mundo se pode sentir máis integrado”.  Recorda que a pesares de estar fora da zona urbana, atópase perfectamente conectada “coa rede de autovías e autoestradas galegas”. E, continúa, “nun edificio compartido polas tres universidades galegas, o que me parece un valor moi importante”. E, engadiu, “a Xunta xa vi intervir nese tema”,  porque “ten a obriga ou de escoller e apoiar unha das candidaturas ou ordear por orde de interese as candidaturas que se presenten, polo tanto non cabe a posiblidade de abstención. 

20221017 Alcalde_AESIA_Xunta

O alcalde avanzou que mañá está prevista unha reunión, á que están convidados os voceiros dos principais grupos políticas, coa Cámara de Comercio de Santiago de Compostela, co Clube Finacieiro e co Foro Cívico, para explicar a posición do Concello e “escoitar os seus razonamentos sobre esta cuestión”. “Defendemos, continuos”, que sexa unha candidatura de integración, na medida do posible, e que a decisión que se tome se faga en base a criterios obxectivos, razonables e absolutamente coherentes cos criterios que fixa o propio Ministerio e o Estado para a selección da sede”. 

Vivendas de uso turístico

Respecto do acordo do Parlamento de Galicia, adoptado a semana pasada, no que se instaba a Xunta a cumplir o Decreto 12/2017, de 26 de enero polo que se establece a ordenación de apartamentos turísticos, viviendas turísticas e vivendas de uso turístico na Comunidade Autónoma de Galicia, Sánchez Bugallo sinalou que “é evidente que a Xunta ten que aplicar a súa propia lei, e non ten sentido que obvie o seu propio decreto atonómico. E tampouco pode ignorar as reiteradas sentenzas do TSXG. Paréceme terrible que se nos pida que xudicialicemos todos os casos”. Tratase, engadiu, dun tema “que quero tratar co presidente da Xunta”, e sobre “o que deben reflexionar. Cando hai unha cascada de sentenzas, xa non podemos alegar ingnorancia ou descoñecemento”.  

20221017 Audio_VUT_Decreto