• O alcalde estivo esta tarde acompañado pola ministra de Educación e portavoz da CEF do PSOE, Pilar Alegría e polo secretario de organización do PSdeG, Lage Tuñas
• A ministra pediu o voto para Sánchez Bugallo para que Santiago “siga avanzando e progresando”, evitando “fórmulas que miran ao pasado e ao retroceso”.

Santiago de Compostela, 24 de maio de 2023. A uns días de que remate a campaña electoral, o alcalde apela ao voto “útil, sensato e centrado” un voto que pide “aos que me votaron hai 4 anos e aos que votaron ao Partido Popular” para que Santiago “non sexa unha cidade de confrontación, senón un punto de encontro no que traballar de forma sensata a favor da cidade”.

Sánchez Bugallo recalcou a día de hoxe o que “está claro é que só hai un voto razonable” e ese voto “é a candidatura do PSdeG que eu me honro en representar”.  De feito, o alcalde fixo balance dun período no que “se definiron as posicións” e no que “houbo un aspirante do Partido Popular que cada día vemos máis lonxe de conseguir o seu obxectivo”.

Tamén a ministra de Educación, Pilar Alegría, animou a participar no 28M para apostar porque a cidade siga “avanzando e progresando”, e para non “volver a fórmulas que miran ao pasado e ao retroceso”. A tamén portavoz do CEF do PSOE recalcou que Santiago é agora unha cidade “máis moderna, accesible e habitable”: “sentoulle moi ben a impronta do PSdeG” concluíu.

Pola súa banda, o secretario de organización do PSdeG, Lage Tuñas,  apelou ao recordó: en Compostela os veciños e veciñas xa saben o que sucede cando goberna o Partido Popular”, en alusión ao mandato dos tres alcaldes do PP nos que “Raxoi se converteu na casa dos líos”: “o que está pasando agora en Ourense con Jácome, con Cabezas e con Baltar xa pasou en Santiago”.