O Pleno do concello de Santiago, reunido en sesión extraordinaria, comezou cun minuto de silencio en memoria das vítimas de violencia machista. Presidido polo alcalde, Xosé Sanchez Bugallo, aprobou por unanimidade o punto 1, relativo ó crédito extraordinario 2022-CREXT-09, por 4.926.503 euros financiado con remanente líquido de tesourería para gastos xerais do concello do exercicio 2021, que se vai destinar a  financiar distintas actuacións no ámbito urbano e no rural. Entre elas as obras de reparación da Praza de Abastos, a reurbanización das rúas Mallou e Nogueira, da contorna de Conxo e do barrio de Sar.

A proposta, realizada polo Grupo de Goberno a través da oficina orzamentaria e de contabilidade e defendida pola concelleira de Economía, Facenda, Contratación, Persoal e Modernización da Administración Local, Marta Abal, contempla que este financiamente se realice con cargo a remanente líquido de tesouraría para gastos xerais (3.322.359,4 euros) e con novos ingresos (1.604.143,6 euros) procedentes do alleamento de Patrimonio Municipal do Solo (PMS). As actuacións contempladas con cargo a este último son: 

• As obras de reparación da Praza de Abastos: 504.143,6 euros. 
• A reurbanización das rúas Mallou e Nogueira: 500.000 euros
• Melloras e reurbanización da contorna de Conxo: 300.000 euros
• Melloras e reurbanización do barrio do Sar: 300.000 euros. 

Mentras que con cargo ao resto, 3.322.359,4 euros, son: 

-Estudo Porta do Camiño, Alameda e Intermodal: 60.000 euros 

-Obras de reparación da Praza de Abastos: 62.359,4 euros. 

– Reurbanización das rúas Mallou e Nogueira: 500.000 euros

-Sala de usos múltiples da Rocha: 50.000 euros

-Reurbanización e mellora da accesibilidade no barrio de Vista Alegre: 100.000 euros. 

– Mellora da accesibilidade e seguridade peonil na rúa dos Vilares: 100.000 euros. 

– Terceira base de Basquiños. 350.000 euros. 

-Mobiliario do campo da festa do Castiñeiriño: 50.000 euros

-Melloras e reurbanización na contorna de Conxo: 150.000 euros.  

– Melloras e reurbanización do barrio do Sar: 150.000 euros. 

-Rehabilitación firmes na rúa do Home Santo, rúa do Medio, Rúa de Costa do Vedor e rúa das Fraguas e a súa contorna. 100.000 euros. 

-Intervención no cruce de Xeral Pardiñas-República do Salvador: 50.000 euros. 

-Rotonda rúa do Hórreo: 50.000 euros. 

-Proxecto de humanización do eixo de entrada Sur: rúas do Restollal e de Amor Ruibal: 200.000 euros 

-Proxecto de humanización do eixo entrada Norte: rúas do Cruceiro da Coruña e de San Caetano: 200.000 euros. 

-Vía verde: 300.000 euros. 

-Renovación de parques infantís do barrio do Avío e Alameda: 450.000 euros. 

-Mellora do acceso peonil e seguridade viaria da rúa dos Vilares (dirección polígono empresarial do Tambre): 150.000 euros

-Sinaléctica informativa da toponimia do ámbito rural: 250.000 euros. 

Como se pode observar, hai actuacións que se financian con cargo aos dous expedientes de crédito. Son: 

• As obras de reparación da Praza de Abastos, as que se destinaría un total de 566.503 euros. 
• A reurbanización das rúas Mallou e Nogueira, ás que se destinarían un total de 1.000.000 de euros. 
• Melloras e reurbanización da contorna de Conxo: ás que se destinarían un total de 450.000 de euros
• Melloras e reurbanización do barrio do Sar: ás que se destinarían un total de 450.000 de euros.

Na súa intervención, a concelleira sinalou que non a “enorgullece nada o expediente relativo á tramitación de facturas”, pero, indicou, “estamos traballando arreo para que non se volva a producir”. Marta Abal recordou que “o cambio que supuxo na dinámica do concello a administración electrónica foi enorme”, e que “dende a declaración do estado de alarma, neste concello téñense movilizado mais recursos económicos ca nunca para axudar á reactivación económica da cultura, do turismo, do comercio e do sector empresarial. E aos datos  de liquidación do orzamento me remito”, concluiu.

Aparte desta modificación extraordinaria de crédito, tamén se aprobou, cos votos a favor do Grupo Socialista e a abstención do resto da oposición, o expediente de crédito 2022-CREXT-10, por 846.883,28 euros  para segundo explico Marta Abal, “facer fronte ao pagamento da sentenza PO/571/2013 emitida en relación coas tarifas de explotación da concesión do recinto feiral de amio, durante o período comprendido entre o 06.06.2011 e o 05.10.2018”. 

O alcalde Sánchez Bugallo, interveu na segunda quenda, lembrando que “levamos tres sentenzas tremendas”, ésta, a de Viaqua, e a de Xade, pola non actualizacion das tarifas entre 2011 e 2018. “Non sei quen gobernaba entre 2011 e 2018”, subliñou en tono irónico en referencia ao PP e Compostela Aberta, para a continuación engadir que sumando as tres sentenzas, “dá como cinco millóns de euros máis intereses, polo que imos ir a 7 millóns de euros”.

Tamén se aprobou, no punto tres, cos votos a favor do Grupo Socialista e abstención do resto da oposición, un crédito extraordinario por importe de 603.436,46 euros; destinados ao pago de varias facturas. E tamén saiu adiante, co apoio do PSdeG municipal, a abstención de PP e Compostela Aberta, e o voto en contra do BNG, a proposta relativa ás gratificacións a policía local e bombeiros correspondentes ao último cuadrimestre do ano 2021, pendentes de abono. Son, explicou Marta Abal, o importe total ascende á contía de  581.157,26 euros co seguinte desglose:

 – Servizo de Seguridade Cidadá e Orde Público: 346.338,08 euros. 

– Servizo de Extinción de Incendios: 216.367,89 euros 

– Servizos de Administración Xeral: 18.451,29 euros 

Explicou tamén as razóns que xustifican o incremento durante o ano 2021 dos servizos realizados fóra da xornada habitual de traballo, como poden ser a posta en marcha da unidade Vioxén;  o incremento da vixianza nocturna, unha vez que desapareceron moitas das restricións por mor da pandemia covid-19; a celebración do festival “O Son do Camiño”, que inicialmente non estaba previsto; ou servizos extraordinarios imprevisibles, no caso do persoal de bombeiros. 

Na segunda quenda, interveu o alcalde. Sánchez Bugallo referiuse ao “grave problema estrutural en efectivos de policías e bombeiros; que pasaron de 175 efectivos a 128 pola “tasa de reposición de efectivos”. E tamén lembrou que hai un acordo de Xunta de Goberno de Compostela Aberta, no que especifica que ten que haber 9 bombeiros presenciais no parte, e que con 45 efectios en plantilla “isto asegúrase pagando horas extras”. Negou, ademais, que houbese reparo algún. “O que hai son recomendacións. Lembrou que “desde a Lei do 86 non se contemplan as horas extraordinarias”, unha realidade que aínda non se correxiu. “Lean vostedes os reparos do Sergas”, subliñou.

Emisión PLENO EXTRAODINARIO do 15 de xullo de 2021