Subscríbete ao noso boletín
Recibe no teu mail cada semana un resumo das novidades no PSdeG Santiago de Compostela
O pleno do concello de Santiago, que comezou cun minuto de silencio en memoria das vítimas de violencia de xenero e das persosa falecidas por COVID-19, aprobou cos votos a favor do Grupo Socialista e de Compostela Aberta; e a abstención do BNG e o PP; o texto refundido da modificación puntual do “Plan especial de protección e rehabilitación da cidade histórica (PE-1) para limitar os aloxamentos de carácter temporal no seu tecido residencial”, en execución da sentenza do TSXG número 547/2020.
Era o punto 2 do pleno, que defendeu a concelleira de Urbanismo. Mercedes Rosón recordou que con data 15 de novembro de 2018 o Pleno Municipal aprobou definitivamente esta modificación, contra a que se presentaron tres recursos contencioso administrativos que deron lugar a tres sentenzas en tres procedementos. Son:
Nos tres casos a estimación dos recursos é parcial e a anulación limitada. Pero amparan, segundo explicou Rosón “a competencia municipal para regular e limitar o uso das vivendas para fins distintos do que constitúen a súa esencia: servir ao efectivo cumprimento do dereito á vivenda”.
O obxecto principal da modificación, segundo explicou Rosón, “é preservar a cidade histórica como lugar de residencia. Para elo impediuse que nas ordenanzas de uso residencial do PE-1 (Plan Especial 1) houbera calquera outra forma de aloxamento, ben turístico ou ben temporal distinta do aloxamento estable de persoas. Esa mesma é a fundamentación da nova modificación do P.X.O.M.”
A concelleira de Urbanismo recordou que o Tribunal Superior de Xustiza de Galicia ten afirmado, nos fundamentos xurídicos da sentenza, “que a motivación do obxectivo de limitar o uso dunha vivenda para algo que non sexa servir de residencia estable, de domicilio, está baseada non en intereses irrelevantes ou arbitrarios, senón no interese xeral”. Esas afirmacións, continúa, amparan “a modificación do PXOM que estamos a piques de iniciar, máis alá da cuestión formal que determina a anulación limitada que esixe a aprobación do refundido que se trai a este Pleno”. E continúa; “non debemos esquecer que a actividade administrativa en materia de urbanismo debe asegurar que o sólo se utilice en congruencia coa función social da propiedade nas condicións establecidas, precisamente, no planeamento urbanístico”. E engadiu, “debe dirixirse á cidade que queremos”. E aclara “o termo dirixir que utilizo non é valadí, dirixir escoitando, non prohibir. É un mínimo na actuación política, un punto de partida esencial na configuración equilibrada dunha cidade para todos e todas, sen esquecer que o punto irrenunciable é o equilibrio, o aseguramento de dereitos constitucionais básicos como é o da vivenda.
A modificación levada a pleno, explicou, “resulta da retirada do texto aprobado definitivamente ás referencias, a calquera forma de aloxamento temporal de curta estancia dando cumprimento ao resolto nas tres sentenzas indicadas, así como do anulado artigo 143 bis que permitía a legalización das actividades anteriores ao 03 de decembro de 2015”.
Proposicións
O PSdeG votou a favor da proposicion do Grupo Popular para a inclusión de Santiago no programa do ICEX “Rising up in Spain”, que se aprobou por unanimidade de todos os grupos da oposición. O PP aceptou a emenda de substitución do PsdeG, na que se instaba ao pleno a iniciar os trámites correspondentes co ICEX, para a inclusión de Santiago de Compostelano catálogo de cidades que se ofertan para desenvolver os seus proxectos as startups beneficiarias do programa “Rising up in Spain”; e a dar os pasos necesarios para realizar a difusión de futuras convocatorias do citado programa, así como continuar a pór a disposción das startups e aos proxectos innovadores que teñan interese en establecerse na cidade, as maiores facilidades posibles, asi como espazos de traballo a prezos subvencionados para a súa radicación.
O alcalde, Xosé Sánchez Bugallo, recordou, na súa intervención, que a innovación é unha das apostas do actual concello, e niso está a traballar. Recordou en concreto, o proxecto biotech da Fundación Uncyde, e a recente adquisición do 31% de UNINOVA, que lle dá ao concello o control maioritario da sociedade, na que tamén está a USC.
O Grupo Socialista abstívose na proposición para a elaboración das bases da convocatoria para o rescate do sector cultural, afectado pola crise da covid 19, cunha dotación de 600.000 euros. Defendeuna a concelleira de Acción Cultural. Mercedes Rosón, amosouse “moi preocupada pola situación da cidade e da súa veciñanza, ante as terribles consecuencias derivadas da pandemia. Dentro desa enorme preocupación”, engadiu “está o sector cultural, tal e como expresei en distintas ocasións. Todas as nosas enerxías centráronse en traballar para xerar actividades e atenuar a situación que está atravesando un sector tan sensible e tan importante para a cidade”.
Rosón subliño que “neste momento estamos traballando en próximas convocatorias, co obxectivo de que se consuman todos os orzamentos habilitados; e que non quede ninguén fóra”. E engadiu: “lin detidamente todas as propostas que vostede fai (en referencia ao BNG); que valoraremos para futuras convocatorias”. A concelleira explicou que “neste 2021 temos para investir o que sobrou da convocatoira de decembro, 154.000 euros, que se destinarán para unha nova convocatoria, tamén para financiar gastos correntes. Dispomos doutros 300.000 euros do remanente de 2019 que serán destinados a producción cultural, é dicir, a programas e proxectos culturais. A estas cantidades súmanse as convocatorias ordinarias: 100.000 para as empresas profesionais; e 50.000 para asociacións e colectivos culturais non profesionais da nosa cidade. Irémolas sacando progresivamente, intentando chegar a todo o tecido cultural. E estou segura que desta volta vai haber máis participación”. Son en total, case 605.000 euros para 2021, “só para axudas ao sector cultural”, engadiu, e “estamos traballando para incrementar esta cantidade”.
O punto seguinte, a proposición presentada polo BNG sobre a situación da comunidade educativa do IES Lamas de Abade, debateuse conxuntamente coa moción de CA para instar á Xunta de Galicia a paralizar o traslado do alumnado e a construción dun centro de ensino secundario na contorna das actuais instalacións. O Grupo Socialista abstívose. O concelleiro de Educación, Rubén Prol, sinalou que tanto a proposición como a moción quedaban descontextualizadas, xa que segundo se confirmou hai uns días, o centro non vai ver afectada a súa continuidade. Compre buscar solucións, engadiu “pero solucións que dean unha estabilidade a longo prazo e non un parche para o futuro”. Tamén recordou que a última vez que se reuniou o Consello Escolar Municipal, foi no anterior mandato socialista, convocado pola entón concelleira de Eduación, Mercedes Rosón.
Tamén interveu o alcalde, quen recordou que ante este problema, o goberno municipal buscou unha solución. Sánchez Bugallo explicou que a zona de Lamas de Abade ten un problema de conectividade, e recordou que son 4.000 alumnos, dos que un 80% veñen de fóra de Santiago. Isto unido a que Compostela “ten a aspiración de ter un gran centro de referencia en materia de FP, con todos os niveis, ao que non queriamos renunciar, con máis do 90% do seu alumando de fóra”, facía necesario buscar outro tipo de solucións. “Reunímonos coa consellería de Educación e propuxémoslle unha solución. Construilo nunha zona de fácil accesibilidade, e por eso facilitamos unha ubicación de 28.000 metros, con todas esas características. Sentimonos satisfeitos de facer o que tiñamos que facer, aínda que outros non o queiran recoñecer”, finalizou o alcalde.
O Grupo Socialista abstívose na proposición do PP sobre medidas compensatorias para os gastos que afrontan os centros socioculturais de titularidade veciñal; á que o PSdeG presentou unha emenda de adición. Nesta emenda solicítase á Xunta de Galicia para que todas aquelas asociacións veciñais da comunidade autonómica que ao longo do ano 2020 como consecuencia da pandemia viran diminuídos os seus ingresos se dote dunha partida orzamentaria coa conseguinte convocatoria para compensar o gasto corrente como se fan noutros sectores económicos da sociedade. O Grupo Popular posicionouse en conta.
O responsable de Barrios e Obras, Javier Fernández, defendeu a proposición. Sinalou que hai varios anos que a xunta directiva e a veciñanza do barrio de Meixonfrío veñen reclamando axudas para sufragar os gastos de funcionamento do seu local social. “É unha vella reivindicación”, sinalou o concelleiro en resposta ao PP “que vostedes, nos catro anos que gobernaron, non foron quen de solucionar. Porque daquela xa demandaban esta compensación dos gastos”. Segundo indicou Fernández, “este goberno foi quen, no ano 2020, de buscar unha solución como vostede recoñece, a esta demanda, sobre a base dun incremento da cantiddade a percibir por aquelas entidades propietarias de equipamentos socioculturais, en función do tamaño dos seus locais. Esta solución pode ser mellorable, pero é un intento de axudalos, na medida das nosas posibilidades”. Unha solución que, recoñece, non chega a cubrir ao 100%, como consecuencia da falta de ingresos, ao non poder realizar actividades durante este ano 2020. “De aí a emenda de adición que presentamos”, sinalou, co obxectivo de que “a Xunta atenda e cubra as necesidades de todas as asociacións de Galicia que viron mermados os seus ingresos. Que este descenso se poida compensar con axudas, como se fai noutros ámbitos”. O concelleiro explicou que estes centros non só realizan actividades culturais, xa que tamén prestan os locais para actos e distintas actividades.
A proposición de dotar a Santiago de instalacións de atletismo homologadas para a realización de competicións oficiais. Todos os puntos foron aprobados, ainda que se votaron por separado. Ao comezo do pleno, interveu Amador Pena Torreira, como representante da SD Compostela de Atletismo, defendo esta proposición.
Defendeuna a concelleira de Deportes, Esther Pedrosa, quen sinalou que “a homologación das pistas é unha necesidades desde hai moito tempo”. É o único deporte federado, recorda “que non ten competicións desde 2007. Sobre as pistas da USC, explicou que despois dunha serie de reunións, a semana pasada chegouse a cun acordo verbal que se plasmará nun convenio. No caso do estadio Vero Boquete, lembrou que existe un estudo sobre as obras necesarias, de 2006, que está obsoleto polo que compre facer outro. Na segunda intervención, xusto antes das votacións, o alcalde, Xosé Sánchez Bugallo, sinalou que “imos ter a oportundidade de buscar un acordo entre os grupos nos vindeiros orzamentos”, nesta cuestión; e que a disposición da Secretaría Xeral para o Deporte, neste asunto, é positiva, pero ”hai que concretala”. E aclarou, en referencia aos gastos de propaganda mencionados pola oposición, que “a partida que temos é a mesma que deixaron en 2019. O único cambio fundamental é que a 13 de xuño non quedaba nada, porque se agotara a partida do ano”.
No punto 1, sobre o impuso da sinatura dun convenio coa Secretaría Xeral do Deporte e a Deputación da Coruña para afrontar urxentemente as obras precisas na pista de atletismo do Estadio municipal Verónica Boquete de San Lázaro para poder tramitar a súa homologación diante da RFEA, o PSOE abstívose, igual que no segundo punto sobre que se completen as accóns necesarias para crear un complexo deportiva que permita compatibilizar o seu uso para a práctica do atletismo e as actividades da SD Compostela e outros clubes que actualmente fan uso e disposición deste equipamento.
No punto 3, sobre a colaboración coa USC e as administracións que a entidade universitaria considere, mediante a fórmula administrativa máis acaida, na execución das obras precisas para acometer a mellora e renovación do estadio de atletismo do Campus Universitario que faciliten a súa homologación; o PSdeG votou a favor. O cuarto punto, no que o PSdeG tamén votou a favor, foi aprobado por unanimidade de todos os grupos. Nese punto sinálase que os citados convenios deben contemplar o uso, por parte dos clubs de Compostela, da pista de atletismo sen máis condicionantes que os propios de claquera instalación compartida por distintas entidades.
No pleno foi rexeitada a proposición de Compostela Aberta para impulsar unha consultas popular sobre a xestión muncipal do ciclo da auga. Defendeuna a concelleira de Medio Ambiente, Mila Castro. “Un tema reiterativo”, do que recordou, xa deu debidas explicacións.
Mila Castro asegurou que “no relatorio que fan”, en referencia CA, “sempre se lle esquece dicir o que pasou no ano 2019, en abril. Preto dunha convocatoria de eleccións municipais, o concelleiro Xan Duro pediu unha prórroga a actual concesionaria por un ano, despois de catro anos de mandato. Podendo facer neses catro anos o que piden agora, non tomaron decisión algunha, agás prorogar a actual concesionaria sen saber o que ía acontecer nas eleccións”. Ao mellor, continuou, “a cidadanía tiña que preguntarlle porque agora, na oposición, piden cousas que non fixeron cando gobernaban”.
A concelleira de Medio Ambiente argumentou o voto negativo do Grupo Socialista, e volveu explicar o que “xa dixemos moitas veces: o modelo de xestión ten que estar baseado en criterios técnicos e económicos, coa fin de acadar un servizo máis eficiente, sostible e que mellor responsa as necesidades da veciñanza”. A prestación deste servizo, engadiu Mila Castro, “así como a mellora da rede de abastecemento, requiren dispor de recursos económicos e técnicos, que non ten esta entidade local”.
Interpelación
A concelleira de Políticas Sociais, respondeu á interpleación de Compostela Aberta sobre o proxecto de centro de inclusións social. Mila Castro sinalou que “este goberno deulle a máxima prioridade ás liñas de intervención das persoas sen fogar”, que é, engadiu, a “función primordial dos servizos sociais municipais”. Unha necesidade que levou, por parte do concello, á contratación dunha traballadora social adicada “en exclusiva á atención das persoas sen fogar”. “Coñecemos a realidade na que se atopan”, sinalou Castro, “porque esta profesional está en cotacto coas persoas que están na rúa”. “Eu mesma”, continuou, “teño acompañado ao persoal técnico e escoitado as súas demandas e inquedanzas”. “Isto é para min e para o meu equipo de goberno estar preto da veciñanza e das súas necesidades”.
Mila Castro explicou que a “redefinición deste centro parte do coñecemento in situ desa realidade das persoas sen fogar, das súas demandas e das súas necesidades”. A concelleira destacou a colaboración “que mantemos” con entidades de iniciativa social, porque, “este goberno adoptou a decisión de non excluír a ninguén”. E preguntou se de verdade, as persoas sen fogar, queren estar en centros institucionalizados.“Queren de verdade este modelo de intervención?, interpelou á edil de CA, Marta Lois. Por iso, engade, se presentou esa modificación.
Mila Castro explicou que “a modificación do proxecto foi considerada e aprobada”, que os cambios se aceptaron por parte do ministerio, que deixou claro que a xestión dos fondos EDUSI non se perdeu. Ese Centro integral para inclusión social, ten data final para a execución da operación e dotalo de contido, é o 31 de decembro de 2023. Nesta redifinición do centro, engade “quixemos que fora un elemento diferenciador positivo”. “Queriamos”, engade, “rendabilizar a oprotunidade de ter un centro para inclusión social”. Isto supón, explicou, aperturar o mesmo ás persoas potencialmente beneficiarias: para as persoas sen fogar, e para calquera outra persoa que teña un factor de exclusión social.
Mila castro subliño que “imos dar todos os pasos para que este centro deixe de ser un proxecto e se faga realidade. Os destinatarios, será calquera persoa afectada por factores de exclusión social. Queremos que a este centro se trasladen as profesionais municipais que están traballando coas persoas sen fogar, profesionais que traballan coa veciñanza para facilitar os recursos aos accesos sociais… Queremos tamén que os técnicos de inclusión sociolaboral dispoñan de espazo suficiente para desenvolver o seu labor”.
A concelleira rematou apelando ao consenso: “trazemos unha folla de ruta e non cronifiquemos ás persoas sen fogar. Gustaríame que neste camiño que nos queda por percorrer fósemos da man”.
Mocións
No pleno aprobouse unha moción conxunta dos Grupos Socialista, de Compostela Aberta, e do BNG, con motivo do 8 de marzo, Día Internacional da Muller. O texto, co lema de Nacións Unidas para este 2021, ‘”Mulleres lideresas: por un futuro igualitario no mundo da COVID 19”, pretende visibilizar os enormes esforzos que realizan mulleres e nenas en todo o mundo para forxar un futuro máis igualitario e recuperarse da pandemia.
A moción sinala que por mor da “pandemia da Covid-19, xurdiron novos obstáculos que se suman aos de carácter social e sistémico que persistían antes e que frean a participación e o liderado das mulleres. En todo o mundo, as mulleres enfróntanse a un aumento da violencia de xénero, a tarefas de coidados non remunerados, ao desemprego e á pobreza. A pesar de que as mulleres constitúen a maioría do persoal de primeira liña, existe unha representación desproporcionada e inadecuada de mulleres nos espazos de política nacionais e mundiais relacionados coa Covid-19”. Para, continúa, “defender os dereitos das mulleres e aproveitar plenamente o potencial do seu liderado na preparación e resposta ante unha pandemia, débense integrar as perspectivas das mulleres e as nenas en toda a súa diversidade na formulación e aplicación de políticas e programas en todas as esferas e en todas as etapas da resposta e a recuperación ante unha pandemia”.
A concelleira de Políticas de Igualdade, Mecedes Rosón, amosou o seu agradecemento a CA e BNG, “por esa capacidade de diálogo e de consenso en temas que, como mulleres, tanto nos afectan, como son as desigualdades de xénero”. Para Rosón, “é incomprensible que o grupo municipal popular non apoie está moción, coñecendo o retroceso que estamos vivindo en materia de igualdade. A COVID19 provocou, como ben saben, unha ampliación da fenda da desigualdade. A crise sanitaria e as medidas adoptadas, aféctanos máis as mulleres, pola sobrecarga de traballo e a presión en sectores esenciais, como sanidade, limpeza, traballo doméstico, coidado de persoas dependentes, etc. Polo aumento de risco de violencia machista, derivado do confinamento, polas dificultades de conciliación. Un panorama desalentador para todas as mulleres. É unha mágoa que non respalden esta moción, sobre todo, tendo tempo para estudala, para introducir cambios, para consensuala…. Optaron por outro camiño que respectamos, pero non compartimos”.
Sinalou Rosón, que o importante, neste momento, é a “situación da muller, sobre todo no novo escenario de pandemia e post-pandemia; no que se constata un importante retroceso en temas de igualdade. Nesa mesma moción buscamos a implicación das distintas administracións, a suma de todos os actores e axentes implicados. É un tema tan importante para as mulleres, para a sociedade no seu conxunto, que só se pode plantexar en termos de consenso. Nós falamos de empoderamento, de liderado, tan necesario para rachar teitos de cristal. Falamos da visibilización do papel da muller nos coidados, para que sexan valorados socialmente, con todas as súas implicacións. Para que sexan retribuídos como lles corresponde. Falamos de rematar coa fenda salarial, de incrementar servizos e recursos para fomentar a conciliación. Pedimos, en definitiva, unha suma de esforzos para desenvolver unha estratexia que nos leve a ese obxectivo común da plena igualdade”, sinalou.
Mercedes Rosón rematou a súa intervención sinalando que “seguimos traballando para dar resposta e impulsar as medidas necesarias en materia de perspectiva de xénero, de igualdade salarial, de insercion laboral, de corresponsabilidade, de conciliación, e de violencia de xénero. Aínda que non nos apoien”.
Na seguinte moción, para impulsar un programa formativo participado e situado en tempos COVID no centro Xove da Almáciga presentada por CA, o Grupo Socialista abstívose. Defendeuna Rubén Prol. O concelleiro de Educación destacou que a programación para este ano contempla 2.064 horas de formación, fronte ás 690 impartidas en 2020; ás 482 de 2019 ou as 496 horas programadas en 2018. E, destacou, unha oferta progresiva.
O programa de cursos en liña do Centro Xove presentouse o 26 de xaneiro. Comezou cos cursos, que aínda se están impartindo, de “Laboratorio de guitarra 1” e “Iniciación á técnica vocal”, aos que se incorporaron outros dous neste mes. En marzo está previsto que se abran outros dous cursos, sobre animación sociocultural e sobre emprendemento e iniciativa profesional. A idea da concellaría é chegar ao mes de xullo cunha oferta de oito cursos, sen contar os que van finalizado. Todos os cursos son gratuitos, duran sobre tres meses ampliables, e están dirixidos á mocidade de ata 30 anos. O número de prazas ofertadas depende do cupo de demanda de asistencia que teña o docente do respectivo curso. Non se establece un límite, pero si que se pecharían as solicitudes en canto o profesor cubra as horas de asistencia contratadas.
Os concelleiros do PSdeG tamén se abstiveron na moción do PP para facilitar un servizo de baleirado de fosas sépticas nos núcleos do rural sen servizo municipal de saneamento. O concelleiro de Medio Rural, José Manuel Pichel, sinalou que “se podería recoller parte da moción”, en concreto realizar un estudo sobre o potencial número de vivendas que poderían requerir o servizo, e a partir de aí, “adoptaríanse as decisións que se consideren máis convintes para o rural”.
A moción do BNG para abrir unha convocatoria extraordinaria de axudas ao comercio local afectado pola crise económica da COVID-19, defendeuna o alcalde. Xosé Sánchez Bugallo defendeu a abstención do PSdeG, e recordou que o ano pasado “as convocatorias de axudas foron as maiores da historia do concello de Santiago, superando ampliamente os 3 millóns de euros”. E destacou que “ese esforzo fíxose en base a recursos económicos propios do concello de Santiago. Nin fondos europeos nin de ningunha outra institución”. “Esperamos”, continuou, que “na próxima convocatoria pidamos incorporar os os fondos da Deputación da Coruña”, que teñen que ser aprobados no pleno de mañá.
Sánchez Bugallo tamén lembrou que o 10 de decembro de 2020 fíxose a segunda convocatoria, nun momento en que a hostalería “estaba nunha situación procupante, e no comercio non había peche perimetral, e o sector da cultura tamén estaba nunha situación crítica. A distribución fíxose tendo en conta estas circunstancias”, polo que en dúas convocatorias sobraron fondos en na destinada ao sector comercial faltaron.
O alcalde tamén aclarou que todas as convocatorias “son extraordinarias, porque non estaban previstas no orzamento e non son habituais”. Sobre facer unha convocatoria de axudas específicas para os comercios que quedaron fóra, explicou que non é posible. Pero, aclarou, estes comercios teñen puntos, e se cumpren os requisitos aseguran, practicamente, as axudas. Tampouco é posible, continuou, “facer a convocatoria antes da liquidación dos orzamentos de 2020. Por iso temos que esperar a marzo sacala”.
En resposta ao BNG, sinalou que o que trai o BNG a pleno “é unha declaración de intencións, que se suma a todas as demais propostas levadas ao pleno. Todo iso sen máis”.
Na segunda quenda de intervención aclarou que o 3% do orzamento do concello se destinou a axudas aos sectores afectados. “O programa de axudas que fixo o concello de Santiago con recursos propoios é o maior da provincia da Coruña, e en termos porcentuais, moito maior que o que fixo a Xunta de Galicia”. O alcalde reamtou a súa intervención asegurando que se sinte orgullos do que “estamos a facer e ogallá puidésemos facer moito máis”.
A moción para a transferencia da AP-9 a Galicia, presentada polo BNG, e a do PP para pedir a aplicación inmdiata das bonificacións na AP-9 debatíronse de xeito conxunto. Defendeuna o concelleiro de Relacións Institucionais. Sindo Guinarte deixou claro que “nós sempre defendemos os intereses da cidade. Non respondemos a criterios argumentais de partido, e así o temos demostrado en máis dunha ocasión”. Recordou que os orzamentos do estado para o 2021 recollem 63 millóns de euros para a rebaixa dos peaxes da citada autoestrada. Para o concelleiro, “resulta paradóxico que sexan os dous partidos que non facilitaron eses orzamentos do estado os que agora esixan o seu cumprimento”.
Guinarte indicou que “a Xunta de Galicia, que é a administración que quere recibir esa transferencia; debería, cando se materialice asumir o compromiso de establecer futuras bonficacións e rebaixas de peaxe”. Por iso, continuou, “enviamos unha proposta de transación ás mocións, aos voceiros dos distintos grupos e lamentablmente non tivo a recepción que esperabamos, por iso xa non a presentamos como emenda”. E engadiu: “estamos a falar de feitos, polo que non entendemos a negativa do BNG e PP achegar a un acordo”. Por último, Sindo Guinarte lembrou ao PP que o conselleiro de Infraestruturas, cando o goberno de Aznar prorrogou a concesión da AP-9 por outros 25 anos, “o que nos leva a 2048”, era Alberto Núñez Feijoo. O Grupo Socialista abstívose nas dúas votacións.
O concelleiro de Barrios e Obras, Javier Fernández, amosouse sorprendido ante a moción do BNG para promover unha nova fase de diálogo coa veciñanza sobre o proxecto de reurbanización dos Concheiros, As Fontiñas e Home Santo, porque, aclarou, “hai diálogo e hai unha boa relación coa veciñanza”. “Eu falo”, aclarou, “da obra de Concheiros”, non da que está a facer a Xunta de Galicia.
O alcalde explicou que se herdaron dous proxectos, un que ía executar a Xunta, e outro que non quería executar pola conflitividade coa veciñanza. “Herdouse un proxecto feito. A partir de aí abriuse un proceso de diálogo coa veciñanza sobre o proxecto”.
Xosé Sánchez Bugallo aclarou que tanto él como a concelleira de Urbanismo, e o concelleiro de Obras, falaron, nos últimos días, varias veces coa veciñanza, “e non houbo queixas sobre o proxecto do concello. O que estaban é desesperados polas obras de Fontiñas, e as especies árboreas que se están colocando alí”. Aínda así, o rexedor sinalou que “imos darlle unha volta á reordenación do tráfico”.
A continuación reiterou que por parte do concello, hai un proceso de diálogo permanente e afirmou que xa se lle pediu unha reunión á Xunta de Galicia “para ser informados da modificación do seu proxecto”, para a continuación, trasladarlle esa información aos veciños e veciñas. “O dialogo forma parte da nosa natureza, e estamos intentando mediar e buscar solucións”, porque, engadiu, uin proxecto ten que ir en beneficio da imaxe da cidade e en beneficio da calidade de vida”. O Grupo Socialista abstívose. “Non votamos a favor”, sinalou o alcalde, “porque sería recoñecer que non estamos dialogando”.
A penúltima moción, presentada por Compostela Aberta, foi defendida polo alcalde, quen argumentou a abstención do Grupo Socialista. Nela pedían instar á Xunta de Galicia a investir os fondos “Next Generation”, dun xeito transparente, e para impulsar unha transformación ambiental, económica e social. Sinalou Sánchez Bugallo que os fondos europeos son unha extraordinaria oportunidade para España para Galicia e para Santiago. 750.000 millóns para os conxunto da UE, con España como un dos pricipais beneficiarios.
Explicou que son fondos moi controlados e regulados; e téñense que “plasmar nun convenio entre o Estado Español e a Unión Europea, na que se estableceran os criterios e os compromisos”. Por iso, continuou, o goberno de España ten que ter un control moi estricto, porque deben ir para determinados conceptos”, entre os que citou a mobilidade, rexeneración urbana ou descarbonización”. Sánchez Bugallo continuou explicando que a UE anticipa un 13% dos fondos, “e a partir de aí o resto en base ao cumprimento de obxectivos certificados”.
O rexedor destacou que o concello de Santiago “é a cidade de Galicia máis beneficiada. Conseguimos que dos case 450 millóns destinados á nosa comunidade, 68 estean en Santiago.” Neste momento, engadiu, “traballamos nun conxunto de proxectos para que, no momento en que se abra a ventá de oportunidades, poder presentar esas propostas. E unha vez asinado o convenio en marzo”, pasarase á seguinte fase, que é a “Sinaturua de convenios entre o Estado Español e cada unha das 17 comunidades autonómas. É aí, finalizou, “onde se decidirá como se xestiona cada parte”.
Na última moción para mellorar os espazos públicas e servizos básicos de Meixonfrío, o Grupo Socialista abstívose. O concelleiro de Barrios e Obras, Javier Fernández, sinalou que “ o goberno xa fixo os seus deberes, e algunhas das xeneralidades que plantexa xa son propostas que se teñen teñen en conta para o próximo orzamento, en concreto, contémplanse actuacións nas rúas Porróns, Lindeiro, ou Av. de Asturias”. Fernández sinalou que, mentras tanto, “traballamos no día a día, nos desbroces ou no rebacheo”. En canto á mellora da accesibilidade e mobilidade do barrio, a creación dun parque infantil, así como a instalación de paneis informativos, “podo dicirlle que o teremos en conta” para incluílo nos futuros orzamentos, subliñou.
Recibe no teu mail cada semana un resumo das novidades no PSdeG Santiago de Compostela