Subscríbete ao noso boletín
Recibe no teu mail cada semana un resumo das novidades no PSdeG Santiago de Compostela
O alcalde de Santiago, Xosé Sánchez Bugallo, e o portavoz do Grupo Socialista, Sindo Guinarte desmontaron, con argumentos baseados en datos, informacion de expertos e en estatísticas, os cuestionamentos de Compostela Aberta e BNG a que o Imelga se constrúa na parcela AS-19, situada no barrio de Fontiñas. Foi o mesmo día en que a Xunta de Galicia comunicou formalmente ao concello que acepta a súa cesión. Unha decisión, a de cedela, que se tomou, subliñou, “en base aos datos dos que dispomos”. O rexedor foi contudente: “Si alguén, políticamente intenta obter beneficio disto, está absolutamente equivocado. Nós como goberno temos que toma decisións que beneficien ao interese xeral”.
Na interpelación presentada polo BNG, o alcalde sinalou que o Imelga é un servizo público fundamental, que non xera problemas sanitarios nin de seguridade. Recordou que a actividade que albergaría xa se ven desenolvendo desde hai 20 anos, nos xulgados de Fontiñas. E enumerou as vantaxas de que se preste nese lugar: “será un servizo que atraerá a xente ao barrio, a cidadanía de Santiago e da súa contorna disporá dunha maior atención” e no que van traballar, “aló menos 25 persoas”. Si alguén, políticamente intenta obter beneficio disto, está absolutamente equivocado”, engadiu.
Sánchez Bugallo sinalou que “todo o que se está a difundir nestes panfletos, que minten, que terxiversan a verdade, que tratan de ingarnar á xente, poderíase dicir dun centro de saúde ou de calquera tipo de laboratorio, ou dun hospital. Xogamos a xerar medo. O que é certo, é que a maioría da veciñanza de Fontiñas non está preocupada por esta cuestión”.
Sobre o cuestionamento da seguridade, o alcalde recordoulle a voceira do BNG que ela propuxo á parcela de Boisaca para acoller o Imelga. Unha parcela municipal, que está libre, pero que se atopa ao lado dunha Escola Infantil, o que implícitamen significa recoñcer que non supón ningún risco. Sobre a outra posible ubicación, o Campus da Saúde, proposta por CA, “creo que o reitor lle informou que non está había dispoñibilidade de terreo” nesa zona. Onde si quedan parcelas dispoñibles, recordou Sánchez Bugallo, e precisamente en Fontiñas. Neste momento hai cinco.
A resposta á interpelación tivo lugar despois de que o Pleno da Corporación Municipal rexeitara a proposición presentada polo grupo de Compostela Aberta para que a futura sede do Instituto de Medicina Lega se constrúa nunha zona non residencial de Santiago.
A posición en contra do Grupo Socialista defendeuna Sindo Guinarte. Lamentou que “que desde posicións progresistas se alimente e se alente este tipo de plantexamentos baseados non en argumentos, se non en exaltar sentimentos que non están avalados por datos reais”. Plantexamentos, os de Compostela Aberta, que inciden na seguridade e “en por en perigo o benestar da veciñanza”, algo que rebateu o portavoz do Grupo Socialista.
Sindo Guinarte confirmou que si se informou á veciñanza. Recordou a reunión mantida cunha representación da veciñanza de Fontiñas para responder ás dúbidas sobre a construción o Imelga, na que estaban presentes o director xeral de Xustiza da Xunta de Galicia, Juan José Martín, a directora en funcións do Imelga, Ana Belén Pérez Gómez; a concelleira de Urbanismo, Mercedes Rosón; e o forense Benito López de Abajo Rodríguez. A xuntaza, explicou Guinarte, foi longa, “e nela contestáronse as dúbidas que se plantexaron. Hai informació suficiente, dada polas persoas competentes, non de parte, respecto ao que se pretende instalar nesa parcela”, engadiu.
O portavoz do Grupos Socialista recordou que o Imelga é un órgano da administracióin de Xustiza que ten por misión prestar asistencia ´tecnica aos órganos forenses”. E incidiu, sobre todo, en que as autopsias representan menos do 10% das actuacións que leva a cabo, segundo as memorias do propio Imelga.
Tamén explicou que o Instituto de Medicina Legal é un órgano descentralizado con sedes nas sete sete cidades de Galicia. “Sedes, coas mesmas actividades que vai realizar a sede central de Santiago”,. Todas, destacou, “están en rúas céntricas, nun ámbito residencial”. Tamén resaltou que está xustificada a localización en Fontiñas, “no ámbito dos xulgados”.
Guinarte preguntoulle a Compostela Aberta se coñecían algún caso de contaminzación derivada dunha autopsia de covid19, e recordoulle que eses contaxios prodúcense, sobre todo en espazos “non afastados de lugares residenciai”. Recordou que en Galicia, todas as subsedes do Imelga están en zonas residencias.
Tamén interviu o alcalde na proposición. Xosé Sánchez Bugallo explicou que hai outros lugares posibles, “pero non mellores nin máis axeitados” que a parcela de Fontiñas. Sinalou que no actual Imelga, situado nos xulgados, traballan 25 persoas, incluídos psicólogs. “É un servizo público que xestionou 5.000 casos casos, dos que 4.700 non tiñan nada que ver con falecementos”. Engadi que “odo o que se está dicindo do Imelga pódese dicir de calquera centro de saúde, dun ambulatorio un dun hospital como o da Rosaleda. E ninguén está a dicir que se saquen da cidade”. Tamén recordou que “nunca tivemos ningún caso, nin ningúna queixa, nos 20 anos que leva en Fontiñas nin nos 50 anos que leva en San Francisco, na facultade de Medicina”.
En Coruña, recordou, o Imelga está na sexta planta do edificio dos xulgados. “En Vigo a nova sede estase facendo en plena Gran Vía, conxuntamento cos xulgados”. O alcalde rematou cunha mensaxe para aquelas formacións que se opoñen ao Imelga: “Pode que haxa forzas que rentabilicen unha campaña contra un servizo público, pero ningunha progresista”
Axudas
O pleno aprobou inicialmente, cos votos a favor do Grupo Socialista, PP e Compostela Aberta, e a abstención do BNG, os expedientes de crédito extraordinario número 2021-CREXT-03 por importe de 1.554.000 euros e de suplemento de crédito número 2021-SUPLE-02 por importe de 1.304.000 euros. Estas dúas cantidades forman parte da partida que se destinará a axudas aos sectores máis afectados pola pandemia.
Defendeuna a concelleira e Economía e Facenda Marta Abal. Sinalou que “a preocupación deste goberno polos sectores máis afectados pola covid é evidente”. Para mostra, indicou, as axudas no ano 2020 e 2021, “no que me atrevo a dicir, será o maior importe mobilizado en comparación coas seis grandes cidades galegas e tendo en conta os datos que coñecementos ata o de agora”. Trala aprobación, continuou, “estaremos en condicións de convocar axudas para o financiamento de gastos correntes para o comercio local, por importe de 1,9 millóns de euros e para a hostalería por máis de 1,7 millones de euros; axudas para o fomento do comercio e a hostalería local por importe de 600.000 euros”; e axudas para o sector cultural, para o financiamento de actividades culturais por 604.000 euros.
A concelleira engadiu que “nos gustaría destinar máis recursos, pero creo que estamos exprimindo ao máximo a máquina neste sentido”. Con respecto as obras que se aprobaron en Xunta de Goberno o pasado luns, sinalou que son actuacións “imperiosas e urxentes, precisamente tamén para a reactivación económica da nosa cidade”.
Sobre o resultado da liquidación do orzamento, sinalou que “parafraseando a nosa compañeira do BNG, non podemos facer as contas da leiteira. E vostedes, coa lectura da liquidación do orzamento, si están facendo as contas da leiteira”. Afirmou que “este goberno municipal tivo total transparencia en canto a información e datos que do remanente líquido de tesouraría. Informamos en tempo real dos resultados que esperabamos, que finalmente foron inferiores aos incialmente previstos. Dada a situación de pandemia que estabamos a vivir, consideramos oportuno trasladar esta información en tempo real, engadiu.
En relación aos indicadores de execución de orzamemento, indicou que o gasto en investimento anual e por habitante foi maior con respecto aos anos 2019 e 2018. Recordou tamén que as obras estiveron paralizadas a causa da pandemia, así como os prazos de licitación. “Si se desconta o efecto que ten a amortización de débeda municipal, o gasto por habitante en 2020 fou superior aos dos dous anos anteriores.
O alcalde respondeu ao PP. “Asumo que vai sumando os superavits un sobre outro, sabendo perfectamente que uns están comprendidos nos outros. E polo tanto, suma a mesma cantidade 20 veces. Tamén respondeu ao BNG. Recordou que ata novembro de 2020 non se puido dispór do remanente de 2019, e polo tanto, aclarou “era imposible executalo no mes que quedaba do ano”. En canto a Compostela Aberta, contestolle que todas as administracións poñen como exemplo as axudas que se prestan no concello de Santiago”. E tamén lle aclarou á edil María Rozas que as partidas de orzamento destinadas a axudas, están nun gráfico que se presentou á prensa, que está dispoñible na web do concello, e que “llo pasará” para a súa información.
Os seguintes puntos da orde do día saíron adiante co voto a favor do PSdeG e a abstención do resto de grupos. Son a aprobación inicial do expediente de crédito extraordinario número 2021-crexT-02 por importe de 50.000 euros; a aprobación inicial do expediente de suplemento de crédito número 2021-SUPLE-01 por importe de 370.013 euros; a aprobación da corrección de erro material no expediente de aprobación inicial do orzamento xeral do concello e cadro de persoal para o ano 2021; e a resolución de alegación e aprobación definitiva do orzamento, de máis de 125 millóns de euros, e cadro de persoal do concello para o ano 2021.
Proposición conxunta
Aprobouse unha moción conxunta para mellorar a calidade de emprego en Santiago de Compostela e frear a emigración xuvenil, na que se acordou que o concello, en colaboración coa USC e Uninova, promoverá a contratación para persoas mozas de Santiago de Compostela no Polo de Innovación en Biotecnoloxía da Sionlla; convocará o Consello municipal da mocidade para buscar alternativas que impulsen a creación de emprego e a estabilidade laboral, de cara a frear a emigración xuvenil e, ao abeiro deste foro, trazarase un Plan de Emprego para a mocidade; incluirá, na convocatoria de axudas públicas aos sectores da hostalería e comercio a obriga de presentar unha declaración responsable do cumprimento de todas as disposicións legais, regulamentarias e convencionais vixentes en materia laboral, seguridade social, seguridade e saúde no traballo, e igualdade entre homes e mulleres; e instará o Goberno do Estado a solicitar axudas do FEDER destinadas a paliar o problema demográfico de Galiza (e de Santiago en particular) para conseguir investimentos destinados a fixar poboación e evitar a expulsión de profesionais.
Outras proposicións
O PSdeG abstívose na proposición presentada polo grupo Municipal de CA para a peonalización da Praza e Arco de Mazarelos e habilitación dunha zona de estacionamento de alta rotación para o Mercado de Abastos.
Defendeu a abstención o concelleiro de Mobilidade Seguridade Cidadá, Gonzalo Muiños. Destacou o compromiso do concello “de preservar esa porta histórica de Mazarelos”, e apostour por ir “dando pasos efectivos” dialogando. Rercodou o compromiso cos comerciantes da Praza de Abastos, de ir pouco a pouco, e a intención do goberno local de que, cando remante a pandemia, “a idea é peonalizar Mazarelos e, entre todos teremos que buscar a forma máis axeitada” . Algo, sinalou, que xa levabamos no programa e que vai seguir adiante, de aí a nosa posición de abstención“.
Unha abstención que tamén xustificou nos problemas de tráfico que habería que afrontar coa proposta de Compostela Aberta, e aos que tamén se referiu o alcalde. Sánchez Bugallo indicou que recibira unha comunicación da cooperativa da Praza, en desacordo coa proposta de CA, e insistindo en que se manteña a situació actual. Explicou que se se autoriza a doble dirección da rampa da praza, obrigaría a quitar as beirarrúas provocaría un colapso en Virxe da Cerca.
Gonzalo Muiños recordou que na peonalización da última zona que queda sen pechar ao trafico da améndoa histórica están dacordo todos os grupos, e destacou os avances acadados: “fixemos máis en dez meses que non anterior mandato. Neste periodo, subliñou, a reducción do tráfico en Mazarelos foi moi significativa, xa que “que pasou de 3.000 aos actuais 500 vehículos”. Co tempo, finalizou, é a mellor opción.
Tamén saiu adiante, a proposición presentada polo grupo municipal do BNG sobre o día das letras galegas e a recuperación do convenio da biblioteca Compostela para a tradución de obras á lingua galega. A concelleira de Acción Cultural, Mercedes Rosón, explicou que xa se está apostando pola tradución de obras ao galego. Desde o departamento de Acción Cultural, este ano imos convocar o Premio Realia de tradución para obras internacionais verquidas ao galego. “. E tamén, engadiu, “dacordo coa organización do premio Novela Europea Casino de Santiago, traduciremos ao galego e publicaremos a novela gañadora da convocatoria de 2021; e das sucesivas convocatorias”.
Despois de enumerar as decenas de actos previstos para o Día das Letras Galegas en homenaxe a Xela Arias, a concelleira defendeu a abstención do PSdeG, nos dous puntos, por dúas cuestións: “primeiro, porque moitas destas accións que vostede propón, xa se están xestionando. E segundo, explicou, “porque este goberno non quere contribuir a esas campañas ás que nos ten acostumados; nas que se atribúen o traballo feito por as distintas concellarías”.
A proposición presentada polo grupo municipal do PP para a loita contra as pintadas e a regulación da arte urbana, tamén quedou aprobada coa abstención do resto de grupos da Corporación. O portavoz do Grupo Municipal Socialista sinalou que para “abordar o problema o máis importante é a prevención. Recoñeceu que é moi dificil identificar aos autores das pintadas, e citou a ordenanza municipal que regula este tipo de accións. Tamén adiantou que o actual prego do servizo de limpeza, “prevé posibles solucións ao respecto, en mobiliario urbano, muros e paredes de titularidde pública”. E, engadiu, “as persoas poderán solicitar ao concello esa limpeza aboando os gastos”. “Compartimos o espíritu e a preoupación amosada na proposición, e actuaremos nese sentido”, concluiu.
O Grupos Socialista abstívose na proposición presentada polo grupo municipal do PP para actuacións de urxencia na Alameda e para elaborar un plan director para o seu coidado e mantemento futuros. A concelleira de Medio Ambiente, e responsable de Parques e Xardíns, Mila Castro, adiantou que a empresa que gañe o contrato de parques e Xardíns, deberá realizar un inventario dos parques, de toda a obra civil, e unha programación de tarefas. Mila Castro sinalou que “estamos en condicióins de abordar a curto prazo eses pequenos traballo de reparación que resultan perceptibles e que se citan na proposición”.
A continuación, realizou un repasao das actuacions “que fixo este goberno”, como a colocación de novas esculturas, o traballo e mantemento nos xardíns e parterres, e a reparación e iluminación das fontes. Pero as actuacións máis ambiciosas, recoñeceu que esixen “unha unha analise previa dos documentos existentes e unha abordaxe que implique un equipo multicisciplinar”. A concelleira xustificou a abstención: o goberno local xa está acometendo melloras”, e tamén “xa están incluidas no novo prego”.
Explicou tamén que “non imos facer un plan director novo”, pero si se fará “unha actualización do plan director de usos do ano 2.000, actualizándoo e revisándoo para que se cumpran os estandares de calidade e protección da nosa cidade”.
Mocións conxuntas
Aprobáronse dúas mocións conxuntas. A primeira para manter a categoría do aeroporto Santiago-Rosalía de Castro coas medidas de seguranza aeronáutica que lle corresponden durante as 24 horas diarias. Acordouse trasladar a AENA e aos órganos de Goberno correspondentes a necesidade de que o aeroporto manteña os máximos estándares de seguranza aeronáutica e manteña os postos de traballo e a calidade dos servizos que debe prestar.
Tamén se acordou trasladar a AENA e aos órganos de Goberno correspondentes a petición de reabrir o servizo de cafetaría, de acordo coas posibilidades que ofrecen os decretos sanitarios sobre a pandemia da covid-19.
A segunda, a número oito, sobre o futuro do sector financeiro en Galiza. Acordouse expresar o apoio da Corporación municipal “ás xustas reivindicacións das traballadoras e traballadores da banca en defensa dos postos de traballo e do mantemento dos servizos financeiros básicos no territorio galego”. Tamén se acordou instar ás Administracións Públicas a desenvolver, no seu respectivo ámbito de competencia, as actuacións necesarias para evitar a deslocalización de servizos e a perda de postos de traballo no sector da banca en Galicia; e de xeito paralelo, instar ás Administracións Públicas a impulsar, no exercicio das súas competencias, unha regulación do sector bancario que evite os perigos da concentración e centralización, atenda as necesidades de financiamento da economía produtiva e asegure o acceso da cidadanía a servizos financeiros básicos. Por último vaise trasladar este acordo ás direccións das principais Entidades financeiras que operan en Galicia para que reconsideren as súas decisións contrarias a este acordo e manteñan o servizo á súa clientela.
O Grupo Socialista apoiou a moción de urxencia relativa á sentenza 121/2021 ditada polo xulgado do social número 4 de Santiago de Compostela, na que se condenou á empresa concesionaria do transporte urbano de Santiago a readmitir a un traballador, que viña realizando para a anterior concesionaria da liña labores de conducción; ou a súa elección, á extinguir a relación laboral con abono da correspondente indemnización.
O grupo de goberno amosouse a favor de que se realicen as xestións oportunas para a acadar a readmisión do traballador afectado e para aplicar o mesmo criterio aos traballadores que se atopen nunha situación similar.
Así o confirmou Gonzalo Muíños: “este goberno vai continuar a facer as xestións necesarias para intentar conseguir a readmisitión dos condutores que estean na mesma condición que a deste traballador”. Pero, indicou, “a última decisión sempre vai ser da empresa concesionaria”.
Outras mocións
O Grupo socialista posicionouse a favor da moción presentada por Compostela Aberta, para a recuperación do servizo de pediatría no centro de saúde de Conxo. Só o Grupo Popular se abstivo. A concelleira de Políticas Sociais e Saúde, Mila Castro, alertou, unha vez máis sobre a situación de precariedade que vive a sanidade, con carencias que perxudican “seriamente a calidade do sistema sanitario” e con “escaseza de recursos humanos e materiais”.
Mila Castro sinalou que, no “referido ao equipamento sanitario, o centro de saúde de Conxo quedou pequeno. E falta de recursos humanos nun servicio tan fundamental como o de pediatria” Explicou que, como consecuencia destas carencias, o 14 de xaneiro, unha pediatra do centro Concepción Arenal teña que acudir dúas xornadas de tarde ao centro de saúde de Conxo”.
A responsable de Saúde do goberno municipal recordou que en febreiro, o Grupo Socialista urxiu á Xunta de Galicia para solucionar estes dous temas, presentando unha batería de iniciativas no parlamento para restablecer o servizo de pediatria de Conxo e habilitar un novo espazo para o seu centro de Saúde, “que é unha reivindicación histórica”, engadiu.
En canto á parcela para a construción dun novo centro de Saúde, Mila Castro recordou que “curiosamente o grupo que presenta esta moción troixo ao pleno de xullo de 2016, a ampliación dos seus usos para que se puidese facer un aparcamento, mentras o Sergas non construira o centro de saúde”. A concelleira indicou que “xa daquela creiamos que ese non era o mellor camiño”, porque non respondía ao obxectivo fundamental. “Advertimos”, engadiu, “que podía ser un elemento disuasorio para que a Xunta cumprira un compromiso que levaba anos incumprindo. Por iso, lembrou “votamos en contra, e o PP votou a favor a dese aparcamento temporal, que vai camiño de ser definitivo”.
A moción presentada por Compostela Aberta para consensuar co colectivo de artesáns e artistas de rúa unha regulación non excluínte coa artesanía e as artes de rúa, foi rexeitada. O Grupo Socialista posicionnouse en contra. O concelleiro de Mobilidade e Seguridade Cidadá argumentou que se está a traballar co colectivo de artes, “que fixeron unhas aportacións moi positivas”. Recordou que para vender e exercer a súa ctividade con tranquilidade deben estar dados de alta como colectivo de artesánas e ser autónomos. Tamén confirmou que se dialogou con músicos e pintores, que realizaron distintas aportacións.
Muíños explicou que esta ordenación ser realizou como previsión ao incremento de peregrinos e visitantes que se esperaban no Ano Santo, “sumado á demanda do colectivo de artistas de regular este tipo de actividades”. E tamén influiu a situación de crise sanitaria, que obrigou a revisar este tipo de actividades, e a “constatación de que nas autorizacións expedidas, non eran respectadas polos autorizados, no referente a quendas, horarios, etc.”
O concelleiro tamén se referiu ao informe da Comisión Asesora de Patrimonio do 3 de novembro de 2020. A valoración de dúas solicitudes de artistas de rúa, influiu na modificación das normas das actividades arsíticas, segundo explico Muíños, para responder favorablemente ao dictame do órgano consultivo. Polo tanto, indicou co concelleiro, houbo que suprimir “postos de actividades artisticas no Obradoiro pola saída por Fonseca e en Correos, en base ás recomendacións de Patrimonio. Tamén houbo que “que concretar o tipo de actividades artísticas que se poidan desenvolver na vía pública, promovidas por particulares, exluindo as de caracter mercantil ou comercio”; e ademais, ”modificar as localizacións dos postos segundo o informado pola comisión”. Unha Comisión na que, recordou, están representados representantes dos distintos grupos políticos, e técnicos do Concello, da USC, do Consorcio, da delegación compostelá do Colexio Oficial de Arquitectos de Galicia e da dirección xeral de Patrimonio da Xunta.
O Grupo Socialista abstívose na moción para qu e o concello cumpra o acordo adoptado en xunta de portavoces do día 23 de marzo sobre axudas directas ao comercio e hostalería, un asunto no que xa está traballando en consenso cos sectores afectados.
A concelleira de Economía e Facenda, Marta Abal, amosou a súa preocupación polos sectores economicamente máis afectados. Destacou o importe das axudas mobilizadas e sinalou que “trala aprobación do modificativo de crédito, estaremos en condicións de convocar”. Despois de pór de manifesto a aposta que o goberno está a realizar para contribuir ao mantemento destes sectores, volveu recordar, as partidas mobilizadas para os distintos sectores; axudas para o financiamento de gastos correntes para o comercio local, por importe de 1,9 millóns de euros e para a hostalería por máis de 1,7 millones de euros; axudas para o fomento do comercio e a hostalería local por importe de 600.000 euros”; e axudas para o sector cultural, para o financiamento de actividades culturais por 604.000 euros.
Marta Abal sinalou que “analizaremos exhausivamente o nivel de execución de ingresos e gastos, para determinar así o importe que atendendo a criterios de prudencia, é posible mobilizar para unha segunda convocatoria de axudas de cara ao segundo semestre de 2021 en consenso cos demais grupos municipais”. Aclarou que “as decisións que adopten deben ter en conta a insuficiencia do Concello no medio prazo e no só no curto prazo. E a vista da liquidación municipais, os ingresos derivados dos impostos directos e indirectos diminuiron en 2021 en preto dos dous millóns de euros”.
A concelleira tamén destacou a negociación das bases da convocatoria “da man do Alcalde, de Sindo Guinarte e de Mercedes Rosón; as reunións co “tecido para consensuar o sentido das bases e contribuir mellor o seu sostemento e o relanzamento que esperemos se produza no segundo semestre de 2021”.
As mocións número 4 e 6, presentadas por BNG e PP, e referidas a melloras no lugar da Curuxeira-Conxo, debatíronse e votáronse conxuntamente. A abstención do Grupo Socialista defendeuna o concelleiro de Medio Rural, José Manuel Pichel. Na súa intevención describiu todas as actuacións que se están levando a cabo na zona. Centrouse na rede de saneamento do concello de Teo, que explicou, “non está conectada a un pozo séptico, se non a un bombeo de augas residuais polo que as posibles verteduras manifestadas pola veciñanza poderían deberse a unha insuficiencia neste bombeo, polo llo comunicaremos ao concello de Teo.
Sobre o vertedoro entre Curuxeira e Casal, indicou que “é un vertedoiro incontrolado e hai que correxir a situación. E competencia da Xunta de Galicia, e polo tanto porémolo no seu coñecemento e vixiaremos aí”.
O PSdeG votoi a favor da moción número sete, presentada polo BNG para ampliar o conservatorio coa dotación de persoal necesario para atender a demanda existente e impartir novas especialidades. O concelleiro de Educación, Rubén Prol xustificou o apoio sinalando que coincide coas demandas expresadas polos traballadores/as da escola.
O PSdeG abstívose, pola súa inconcreción, na moción presentada por CA para que o concello apoie a música ao vivo e a cultura segura. Defendeuna a concelleira de Acción Cultural. Mercedes Rosón explicou que “Desde o goberno municipal, estivemos, estamos e seguiremos estando ao lado do noso tecido cultural. Levámolo demostrando desde que comezou a pandemia. Con axudas ao sector da cultura, que neste execicio superaran os 600.0000 euros, reprogramando actos cando rematou o estado de alarma; e programando, dun xeito continuado, distintos espectáculos: de música, de danza de teatro”.
Destacou que “o concello de Santiago foi o primeiro en instaurar uns protocolos covid que garantiron espazos seguros, cun esforzo material e económico enorme, pero coa convición de que era necesario xerar confianza co noso público e cos nosos artistas. Este enorme esforzo viuse recompensado. De momento non coñecemos nin un só caso de contaxio en espectáculos programados ou organizados polo concello”.
É de xustiza recordar, continuou Rosón, “que esta cidade estivo durante meses programando para 30 persoas, un límite que nos parecía excesivo por parte da Xunta de Galicia, sobre todo en espazos como a Sala Brage do Auditorio de Galicia ou mesmo o Teatro Principal. Pero respectámolo”, engadiu Rosón, “aínda que nos parecese desmesurado e totalmente incomprensible. E como non, integrámolo nese roteiro e estratexia á que vostede alude. Unha estatexia que sitúa as necesidades que nos trasladan desde o sector, como eixo principal da xestión da concellaría. Programando, como dixen anteriormente. Con axudas, con colaboración, con ao noso tecido cultural en todas as súas variantes”.
Sobre a segunda parte do punto un, amosou a súa disconformidade. “É inviable”, subliñou, “por unha razón moi sinxela. Como se pode trasladar a un goberno a disconformidade cunhas medidas que non existen? Non sei se vostede se parou a pensalo”.
“Nos como lle dixen, continuou a concelleira, apoiamos ao sector. Pero o que non podemos apoiar son globos sonda, fume e incertezas. Hai que tomar decisións en base a certezas, a medidas concretas. Eu convídoa a documentarse dun xeito máis exhaustivo, porque se trata dun tema en constante continuidade e evolución. De momento, o máis sensato e deixar espazo para o diálogo entre o sector, o goberno central e o executivo autonómico”
A concelleira informou que “ o día 22, dous días despois do comunicado ao que se refire, tivo lugar unha reunión entre o Ministerio de Cultura e Es-Música. Desde entón estase traballando na procura dun consenso sobre criterios de aforos e protocolos sanitarios baixo un plan conxunto co sector. Levan dende entón traballando”. Engadiu tamén que “son coñcederoa que en Galicia, a Asociación AGAEM está en contacto coa consellería de Sanidade para desenvolver un plan consensuado. Hoxe aparecen xa nos medios de comunicación, declaracións concretas do conselleiro de Sanidade, nas que di que se trataría de eventos con aforos máis amplos que os que se permiten actualmente e baixo condicións que se fixarían con Saúde Pública”. Polo tanto, concluiu, “ o noso voto é a abstención”.
O Pleno comezou cun minuto de silencio en memoria das vítimas da violencia machista, das vítimas da covid e de dous ex-concelleiros falecidos recentemento: David Sánchez Carro e Xosé Carro Otero. O alcalde trasladoulle o pésame da Corporación as familias.
A continuación interviron María Teresa Vázquez, para falar sobre o Imelga; e Roberto Almuiña, da Asociación de Veciños da Cidade Histórica, sobre a peonalización de Mazarelos.
Recibe no teu mail cada semana un resumo das novidades no PSdeG Santiago de Compostela