Lembrou que desde o Concello de Santiago “estamos facendo un esforzo extraordinario garantíndolles o apio ás familias” que o precisan. Con programas como o ticket especial de compra, a través do que as familias reciben bonos para mercar produtos de primeira necesidade. Onte había, sinalou 1.396 familias acollidas a este programa, que suman 3.473 persoas. Outras 28 familias perciben a renda social municipal. E 248 familias son beneficiarias das becas especiais de comedor escolar. Xuntas suman case 3.800 persoas integradas nos servizos extradordinarios que, subliña o alcalde, se están prestando a causa da crise sanitaria “e que seguiremos prestando mentras sexa necesario”.

Para Sánchez Bugallo, a renda mínima vital ven a garantir a estas familias “que nun tempo razonable” poidan percibir unha cantidade mensual que lle permita afrontar “os problemas do día a día, en moitas mellores condicións”. Dese o punto de vista municipal, engadiu, “vainos permitir” afloxar o ritmo de gasto de máis de 80.000 euros semanais adicados a estes programas. Recordou o rexedor “que en principio non temos financiamento para mantelo máis aló do mes de xullo”, polo que sería preciso buscar outros fondos.