Subscríbete ao noso boletín
Recibe no teu mail cada semana un resumo das novidades no PSdeG Santiago de Compostela
O decreto de alcaldía resolver autorizar de xeito excepcional, por mor das limitacións derivadas da declaración de emerxencia sanitaria e a situación de pandemia, e ata o 05/04/2021 ou no momento no que se levanten as restriccións derivadas da crise sanitaria, a instalación de aparellos calefactores como mobilidario desmontable nas terrazas e quioscos de hostalería, coas seguintes condicións:
-os calefactores alimentaranse preferentemente con enerxías renovables ou eléctricas, excepcionalmente poderanse autorizar concarácter provisional calefactores ou estufas de pellets.
-En caso de que se trate de terrazas no ámbito da cidade histórica, o modelo de calefactor debe contar co ditame favorable da Comisión Asesora do Patrimonio Histórico.
Tamén autoriza, de xeito excepcional, a instalación de mamparas/biombos como mobiliario desmontable que tamén deberá ter o ditame favorable da Comisión Asesora do Patrimonio Histórico en caso de instalarse na zona vella.
En canto a horarios, no que atinxe ás competencias municipais, e sempre e cando o permita a normativa autonomica, autorízase de xeito excepcional, por mor das limitacións derivadas da declaración de emerxencia sanitaria, que o horario de peche desde o 01 de outubro de 2020 ata o 4 de abril de 2021 sexa ás 00:30 h. de domingo a xoves (ambos inclusive) e ás 01:30 horas, os sábados (noites do venres ao sábado, podendo prorrogarse nas festas. Rematado o tempo de permanenza, a limpeza e retirada do mobiliario constitututivo da terraza levarase a cabo no prazo máximo de 30 minutos. Non se poderán incorporar clientes despois das 00:00 horas de domingo a xoves (ambos inclusive) e despois das 01:00 horas os sábados, podendo prorrogarse nas festas.
Ao exposto no decreto únese, segundo indicou o rexedor “o esforzo que estamos facendo en materia de ampliación de espazos para evitar que teñan que reducir máis os aforos en terrazas”. Son medidas de apoio, indicou, froito desas conversas que se están mantendo con hostelería, restauración e hoteis, uns contactos que, engadiu, continuarán “nas próximas semanas e meses”. Unha medidas que se completarán cunha campaña de reforzo da imaxe de Compostela como destino turístico seguro, co obxectivo de atraer máis visitantes.
Todas estas decisións adóptanse, engadiu “nun contexto que non nolo pon fácil”. Recordou que desde o pasado 2 de setembro, desde que se puxeron en marcha as restriccións por parte da Xunta de Galicia, os casos positivos fluctuan entre os 160 e os 204 por cada cen mil habitantes. Estamos en nivel laranxa, un nivel 3, sinalou, polo que unha vez máis, Sánchez Bugallo volve apelar á prudencia e á responsabilidade. “Se subimos a nivel vermello, é unha mala noticia, perso se baixamos a nivel 2, será boa”. “Debemos esforzarnos”, para que a tendencia no número de casos activos sexa descendente.
Sobre as festas en pisos, 20 na última noite e 35 desde o domingo pasado, é contundente: “todas son sancionadas” e o recorda que a reincidencia, da que non lle consta caso algún, tramitarase como falta grave.
Recibe no teu mail cada semana un resumo das novidades no PSdeG Santiago de Compostela