• Unha xuntanza “cordial”, en palabras da concelleira, que destacou, fronte ás críticas de Compostela Aberta, o incremento de recursos, o aumento das persoas atendidas, e a eliminación das listas de agarda que existían no anterior mandato. 
• “Recordo”, sinala, “que no goberno da voceira de CA se chegou a ter a 200 usuarios e usuarias en lista de espera, e agora mesmo estanse dando altas na mesma semana”. Un servizo, incidiu, que pasou de atender 320 persoas en 2019; a case 560 na actualidade. 

A concelleira de Políticas Sociais, Mila Castro, mantivo hoxe unha xuntanza co comité de empresa das traballadoras do SAF, o Servizo de Axuda no Fogar; na que tamén estivo presente o equipo técnico do departamento de Servizos Sociais. Unha reunión “cordial”, en palabras da concelleira, que destacou, fronte ás críticas de Compostela Aberta, o incremento de recursos, o aumento das persoas atendidas, e a eliminación das listas de agarda que existían no anterior mandato. 

Segundo explico a concelleira, foi “unha xuntanza cordial, na que nos trasladaron as súas eivas” e as dificultades que teñen “á hora de desenvolver o seu traballo”. Nós tomamos nota destes temas, co compromiso, como vimos facendo ata agora, de manter esa relación con elas e coa empresa, e poder estar enriba dos problemas que nos trasladen”.  Entre esas dificultades expresadas está a de aparcar cando van a algún domicilio. Unha reivindicación histórica que as traballadoras do SAF xa lle plantexaran aos anteriores gobernos, e que non foron quen de solucionar. Mila Castro lembrou que atendendo as súas demandas, “hai uns meses xa artellamos un mecanismo para que poidan estacionar dun xeito máis efectivo” e agora adquirimos o compromiso de melloralo. 

Audio Mila Castro 1. Reunion SAF

“Despois do ambiente de cordialidade desta reunión”, continúa Mila Castro, “non entendo ben é a que se refire a voceira de Compostela Aberta cando fala da miña pasividade”. Recorda a titular de Políticas Sociais, que o SAF, “para min e para este goberno, sempre foi un servizo prioritario. Desde o comezo”. Lembra, concretamente, o incremento anual de de 1,6 millóns de euros nos orzamentos; destacando a eliminación das listas de agarda. “Recordo que no goberno da voceira de CA se chegou a ter a 200 usuarios e usuarias en lista de espera, e agora mesmo estanse dando altas na mesma semana”. Un servizo, incidiu, que pasou de atender 320 persoas en 2019; a case 560 na actualidade. 

Audio Mila Castro 2. Reunion SAF

Mila Castro engadiu que “por máis que se repitan cousas como a pasividade da concelleira, que non me doe polo que poidan dicir de min, se non que, detrás de min, hai un traballo de persoas”, dun servizo, que engade, a voceira de CA “sabe moi ben como funciona”. Polo que, indica, “por máis que se repita unha cousa non vai poder mudar a realidade” do SAF, que experimentou unha “mellora evidente nos tres últimos anos, coa nosa chegada ao goberno”. 

Audio Mila Castro 3. Reunión SAF