Subscríbete ao noso boletín
Recibe no teu mail cada semana un resumo das novidades no PSdeG Santiago de Compostela
A primeira tenente de alcalde deixa claro que “Compostela non merece ocorrencias senón proxectos serios e estudiados como os que propón o alcalde Sánchez Bugallo”
Santiago de Compostela, 13 de maio de 2023. Mercedes Rosón convidou ao candidato do Partido Popular de Santiago a tomar un café na cafetaría A Muralla para que comprenda que “o que propón como proxecto estrela é unha ocorrencia froito da súa inexperiencia e da insolvencia da súas ideas”. E é que neste local o seu solo acristalado permite ver os restos da muralla que existen baixo esta zona.
“A ninguén se lle ocorre hoxe escavar máis de un quilómetro de tramo na cidade histórica xusto onde está a antiga muralla” explica a primeira tenente de alcalde que cualificou a o túnel subterráneo desde Porta do Camiño ata Xoán Carlos I de “proposta moi esgotada e irrealizable” xa que “todos os candidatos do Partido Popular repiten a mesma ocorrencia cando chegan as eleccións locais”.
Referíndose a un “baúl dos recordos” desde o que o candidato volve a recuperar ideas que xa estaban superadas, Mercedes Rosón conclúe reivindicando que Compostela merece “proxectos serios e estudiados como os que propón o alcalde Sánchez Bugallo” e non “ocorrencias xa superadas”.
Recibe no teu mail cada semana un resumo das novidades no PSdeG Santiago de Compostela