Subscríbete ao noso boletín
Recibe no teu mail cada semana un resumo das novidades no PSdeG Santiago de Compostela
A concelleira de Urbanismo amosouse “sorprendida” polas declaracións da conselleira de Infraestructuras, Ethel Vázquez, nas que se escudaba na falta dun estudo de mobilidade para facer efectivo o parking para o Hospital Clínico de Santiago. Mercedes Rosón recórdalle que segundo recolle “o último borrador aceptado no mes de abril pola Xunta de Galicia, son eles os que se comprometen a elaborar o estudo que avalíe as necesidades de accesibilidade do CHUS”.
En todo caso, a concelleira recorda que desde “o minuto un” e “sen necesidade de estudo nin outra escusa” o Concello pon a disposición da administración autonómica o espazo necesario para dotar o espazo dun aparcadoiro que considera imprescindible: “é evidente para calquera que se acerque ao CHUS, que non fai falta ningún estudo previo para constatar a necesidade de construír o parking”.
Rosón insiste en que desde a administración local levan “máis de un ano” ofrecéndolle á autonómica os terreos necesarios para facelo e “agardando un trato igual que o resto de cidades do país” para a capital de Galicia.
Recibe no teu mail cada semana un resumo das novidades no PSdeG Santiago de Compostela