• Mercedes Rosón recórdalle o PP que vai polo seu terceiro voceiro, e que non realizaron propostas en positivo durante o mandato. 
• A concelleira volve pedirlle á Xunta que cumpra a súa propia normativa e as sentenzas do TSXG, tal e como está facendo o Concello de Santiago

A concelleira de Urbanismo, Mercedes Rosón, amosouse sorprendida do descoñecemento que ten o candidato a alcaldía polo PP, “da normativa do seu propio Concello, e non a consulte antes de falar”. A preguntas dos xornalistas, sobre as acusacións do candidato de falta de regulación en materia de vivendas turísticas; Rosón sinalou que “isto demostra que está constantemente botando a lingua a pacer” e que “non lle preocupa a cidade. Para min, claramente, móvese dunha forma moi oportunista por razóns e intereses únicamente partidistas”, e “non ten a máis remota idea”, in deste nin doutros asuntos dos que está falando últimamente”.

20220803_Rosón_PP intereses partidistas

Rosón explicou que “todo é público e notorio”, pero “non se interesou por nada”.  Sinalou que o caos “está na cabeza do candidato e na propia Xunta de Galicia”. Desde o Concello de Santiago,  engadiu, “tivemos claro desde o minuto un cal era a folla de ruta”. “Tivemos claro”, engadiu, que  o goberno galego non “estaba respectando a propia normativa autonómica”, mentras, “nós estamos cumprindo coas sentencias do Tribunal Superior de Xustiza de Galicia,  e estaremos a disposición de presentar, á volta de vacacións, en pleno, a continuación do procedemento para a ordenación e regulación en Santiago”, que xa se coñece e que volveu lembrar.

20220803 _Roson_folla de ruta VUT

A concelleira afeou ao PP que en 3 anos de mandato, non aportase nin unha soia proposta construtiva. Engade que desde o Concello descoñecen que está a facer o executivo autonómico respecto das vivendas de uso turístico que están operando sen habilitación municipal. En canto ás sentenzas do TSXG pídelle á Xunta que cumpla as sentenzas e a súa propia normativa, e que borre do rexistro as vivendas de uso turístico que rexistrou sen contar coa citada habilitación, tal e como se lle solicitou.

20220803_Roson_Xunta cumprimento normativa

Mercedes Rosón foi moi contundente coas insinuacións do candidato popular sobre o Grupo de Goberno. Forman parte, dixo, dun “argumentario esgotado”, á vez que as cualificou de “moi atrevidas, tendo en conta o que pasou neste mandato co PP”. “Van polo seu terceiro voceiro, concelleiros que dimiten ou desaparecen unha tempada, candidato e voceiro que non se falan…””, recordou, á vez que pedía propostas en positivo, e non só levar á contra a quen goberna.

20220803_Roson_division PP

.