Subscríbete ao noso boletín
Recibe no teu mail cada semana un resumo das novidades no PSdeG Santiago de Compostela
A concelleira de Políticas Sociais, sinalou hoxe, que volve “estar en macha”o proceso de contratación do Servizo de Axuda no Fogar (SAF), “deixando que pasen os prazos administrativos”, para que se licite un servizo que insiste, “é moi importante para a cidade”, porque mellora a calidade de vida “de xente que está soia ou ten un gran grao de dependencia”. Necesitan, engadiu, “que se poña en funcionamento xa”; e indica que, como non podía ser doutra maneira, “está reforzado económicamente cun millón de euros ao ano”, que se engaden aos dous millóns anuais cos que contaba.
A tamén concelleira de Saúde, recordou que o tribunal desestimou dous dos tres epígrafes do recurso presentado por Comisións Obreiras en contra prego de condicións do contrato do SAF, e so estimou un deles: o de reforzo da partida destinada a material sanitario. Algo que, afirmou, xa está subsanado.
Mila Castro explicou que onte tiveron unha xuntanza co Comité de Empresa de Servisar, completando así a rolda de reunións cos representantes empresariais e do persoal das dúas empresas que xestionan o Servizo de Axuda no Fogar, o SAF. A concelleira sinalou que escoitaron as demandas que lle plantexaron as traballadoras, e que se realizou unha revision, “no apartado económico, en canto a materiais”, dada a actual situación sanitaria.
Recibe no teu mail cada semana un resumo das novidades no PSdeG Santiago de Compostela